Li ficatindi
Li ficatindi, tipicu fruttu autunnali,
chini ti spini, nascunu sobbra li pali.
Quasi sempri ‘ntra l’arii pirimitrali
o alli zoni ti confini sobbra li supali.
Belli, ti tanti culuri, nu fruttu speciali
l’aculei a iavitari ci no ti faci mali.
Vannu ccueti la matina, all’albeggiari,
senza ientu, cussi’ li spini no’ ponnu vulari.
Li chiu’ spierti li zziccunu cu li mani,
tagghiunu la scorza e li essunu sani.
‘Ntra la coppa, si lassunu difriscari,
fina a quandu no’ li nciegni a mangiari.
So sapuriti assai, ma no’ ti fa pigghiari,
attientu ta stari ci no’ ti pue’ ’ntasari.
Ancora ‘na vvirtenza, ci ti la pozzu tari:
cu l’ua e cu lu cafei no’ ti la mangiari.
Ci noni veramenti quarche vota a ‘cappari
e ‘ntra lu cabinettu pi ncu n’ora ta sfurzari.
E ci pi scaricari no’ sai comu ata fari,
nu bellu ‘nterocrisumu ti faci difriscari.
Cosimo Caramia. Manifa, 15 novembre 2012 Kingdom Saudi Arabia
