Fin’a mmò, ma’ era pinzàtu
comu è ffattu lu ncagnàtu,
mi rricòrdu, ti vagnòni,
ccè šciucàumu a ppalloni,
ci la palla nò ppassàva
lu cumpàgnu si ncagnàva,
ci ncunùnu si šcundìa
e nnu scherzu ti facìa,
ti sicuru, ti spantàvi
e ddi corpu ti ncagnàvi.
Po’, gnincosa ti šciulàva,
ca lu tiempu cancillava.
Noni comu soru e ffrati
pi lli sordi o prupritàti,
no ssi pàrlunu, ncagnàti,
stannu sempri cchiù šcannati.
No ssapìa ca si ncagnava
ci la crazzia šta spittava,
e cca mancu lu Signori
putìa fari štu favori.
Comu tissi San Gginnaru,
a cci rumanìa amàru,
c’a llu lottu no vvincìa,
“Sciòca, armènu, figghiu mia”!
E llàssu sta’, fatti ti cori,
ca si sapi è tratitòri.
Štai a cci po’ s’è ccunzulàtu,
ma cu ffèli, šta ncagnàtu.
Ma lu fattu ch’è cchiù stranu,
mo’ lu spiècu chianu-chianu,
iu capišcu lu ncazzatu,
no cci è avùtu e s’è ncagnàtu.
Per restare aggiornato seguici e metti “Mi piace” sulla nostra pagina facebook, pubblicheremo al più presto tutti gli aggiornamenti in merito.
Seguici su Facebook: https://www.facebook.com/mesagnesera/
do_widget id=ads250_250-widget-28]
