Nuvembri, lu mesi ti li muerti
Štà rria Nuvembri, lu mesi ti li muerti,
cu lli firìti ca rèštunu cchiù apierti,
cu llu cori ca ti šcatta ti tulùri
e va ccatti to lampini cu ddo fiùri.
Nnu rusàriu, ccussì, ca ti ccumpagna,
lassi ddò tieni, casa o la campagna,
vuè riešti sulu, vuè truèvi ci no nc’èti,
parla’ cu iddu ca, certu, ti šta veti.
E lu cielu trùbbu, comu tradizioni,
ti càraca e ti nn’ènchi t’emozioni.
Lu soli si šcondi, senza tìri nienti,
pircè rispetta šti sani sintimenti.
Emanuele Castrignanò
Per restare aggiornato seguici e metti “Mi piace” sulla nostra pagina facebook, pubblicheremo al più presto tutti gli aggiornamenti in merito.
Seguici su Facebook: https://www.facebook.com/mesagnesera/
Widget not in any sidebars
Widget not in any sidebars
Widget not in any sidebars
