Sempri in scena
Ti sotta allu culu nciannu sfilatu la poltrona;
li sgarbi di tanti falsi amici no perdona.
Ti lacrimi è nchiutu na grandi tinozza,
ma in suo soccorso rrivau na carrozza.
“Sciamu! Nchiana, tissi lu guitatori,
lassamu stari li vecchi rancori”.
Iddu cugghiu subbutu l’occasioni
cu si presenta alle prossimi elezioni,
pircé la brama di lu poteri no lu lassa,
anche ci doppu tutto purtoppo scunquassa,
pircé è nconcludenti, pugnusu, buriusu;
troppu ti lu cumandu e ti lu poteri bramusu.
Cussì a nu partitu s’è taccatu piedi e mani,
ma no cangia! Sempri iddu rimani.
Ma a quedda carrozza ticu cu sincerità:
“Si guverna cu n’idea giusta ti città.
Pèrciò st’accuzzaghia non vali na magghia:
non è fuecu ti glioni, ma è fuecu ti pagghia”.
Pasquino, marzo 2019
