Emanuele Casdtrignanò
Tauli, taulini e ttaulati
Bbueni crištiani mo’ s’hannu rraggiati
ca no ssi pò caminari pi lli štrati,
seggi, taulini, crandi taulati
tanti tisi e atri già ssittati.
Šta ci campa ti ricuerdi e nnuštalgia
ticendu ca, prima, megghiu si vivia.
Cusituri, barbieri, barra, putichinu
era la chiazza ti lu centru cittatinu.
Chiena ti sera, pi truva’ fatia
ddo lu patrunu a tturnu prummintia,
quattru sordi, toppu nna sciurnata,
ntra ssoli, ientu e quarche nnivicata.
Nna vota paiatu, Cazzillu ti spittava,
c’ogni ttantu nna ncartata ti tuccava:
Lardu, sazizza e provula piccanti
lu štomucu apria assendu già ddà nnanti.
A lli rišturanti, no ccertu, ca si scia
cu mmangi e mbivi sempri ‘n cumpagnia.
Nc’era quarche cantina e tratturia,
ch’era lu lussu pi ccuddu ca putia.
Atri tiempi e atri cundizioni,
ca no ssi ponnu mentiri cu mmoni.
Ci penzu c’hamu štati nzirracchiati
chiusi ntra casa comu carciarati,
no vvitiumu l’ora pi pputi’ assiri,
turn’a lla vita, fatiari e ddivirtiri.
No sso’ ppulemucu, mancu lleccaculu,
ticu cce ppenzu, puru ca so’ ssulu.
Certamenti, quarche rrecula nci voli,
senza fa’ picci e ssenza fa’ paroli,
pi rrendiri Misciagni assai ngarbatu,
dd’ognunu av’a essiri rispittatu.
Agosto 2021
Bellissima, è soprattutto vera. Ormai non si vive più a mesagne..si può stare solo da turisti
Bellissima? Vera?
Poi ci ridono dietro..
Era meglio quando si stava peggio vero?
Penso che dei sessantenni arrivati alla pensione dovrebbero astenersi dal criticare ciò che è arrivato di nuovo, soprattutto dove non si vede cosa hanno fatto loro! Per cui oggi piano piano si tenta di correggere.