e tuttu prisciatu e lusingatu, alla fini agghiu accettatu!
però sontu diversu e mi sentu tuttu dicriatu.
Ci prima ‘mpuštava ncununu allu barra cu scroccu lu cafei,
lassati fottiri vagnù, šta tuttu paiatu!
Moni ti fermu e ti dummandu comu ṣ̌tai
no tegnu uecchi cu chiangu, ma štai a ci ‘nci penza.
‘Nci l’agghiu tittu a ziama Ratodda
e me dittu: “Iabba fì’ no la pighià šta štrata”.
A dì lu giuštu no agghiu mai tinutu nu veru ideali,
Tatti na calmata, no sci sempri ti pressa.
Va beh…uè zì, però no ti scurdari ca la razza è longa…
ma in famiglia si faci comu ticu iu!
Cumparama Giuvanni m’è nu picca scunfidatu:
No viti ca šta mettunu in lista cani e puerci
A loru interessunu li voti tua…o no capisci?
tu sinti soltantu lu povuru fessa ca li voti ‘ncià purtari.
Certu ca ci tutti quiri ca m’hanno prummisu mi votunu veramenti,
lu Signori cu ‘nci penza e ‘nci paiu puru na santa messa.
Ci prima scia cu tanti pinzieri ‘ncapu e sempri ‘ngrugnatu
Mò sontu felici e vau sempri cu lu sorrisu štampatu…
