E’ propia štranu, auannu, Caputannu,
comu ti muvi, nc’è ccu ffaci tannu.
Ci no ssapuri nienti e tti sienti nnu crimoni
è bbuenu cu tti faci, armenu, nnu tamponi.
Ci ti v’a ssienti, puru, sulu cuštipatu,
pi ccautela, lu tamponi cchiù mmarcatu.
Ti llievi li pinzieri, puè ffari l’Aucuri
puè assiri, scuscitatu, ‘n mienzu a lli signuri.
Attientu!!! E pporta sempri, cu ttei, la mašcarina,
ccè iessi ti casa, la sera e lla matina.
Ci vai a lla pošta, ca scatunu li tassi,
cu nno tti šcierri cu ppuerti lu green-passi.
No ddari la manu, no tti mbrazza’ nišciunu
cu nno tti mmišca lu virusu ncununu.
Ci tieni amici ca fannu li no-vax,
l’Aucuri fancili via-fax.
Ci tieni spilu ti sciri a llu cinoni
v’a ffani la cota e ffatti lu tamponi.
Ci poi šti mpicci ti creunu mbarazzu,
cionca ntra casa e nno rrompiri…….
Tantissimi Auguri di Buon Anno 2022
