Mò…štacchioddi!
Cu llu tartufu salintinu.
Ca no ll‘erumu ntisu mai,
ti l‘anticu fungiaru…Nzinu.
ti l‘anticu fungiaru…Nzinu.
Štammindi zitti, è megghiu.
Eti rrobba “raffinata”.
Ti nna nobbuli cucina,
rrobba fina, sufišticata.
Eti rrobba “raffinata”.
Ti nna nobbuli cucina,
rrobba fina, sufišticata.
Mò…šta passa pi tradizzioni.
Sini! Comu la nonna mia.
Ca quandu cucinava,
sempri a mmei mi li facia.
Era propria…canusciuta…
comu cucina “alla misciagnesi”.
E llu cuocu s‘era mmizzatu.
Dda…ddo Ncetta la turresi.
Sì spusau però a Misciagni,
qqua…ddo lu tartufu štava.
qqua…ddo lu tartufu štava.
E avia ggià cientu sieculi,
ca ognunu li cucinava.
ca ognunu li cucinava.
Gentil turista…PREGO!!
Degusta, bevi, assaggia!!
Un salto poi in America,
che li è la nostra spiaggia.
che li è la nostra spiaggia.
In Florida troverai,
il tartufo salentino.
Farcito nell‘hamburger,
con un ketchup sopraffino.
con un ketchup sopraffino.
Tradotta la metafora,
e allu cunchiutimientu.
Cultura e tradizzioni!??
Chiacchiri allu ientu!!VENDIRI!!!
e allu cunchiutimientu.
Cultura e tradizzioni!??
Chiacchiri allu ientu!!VENDIRI!!!
È llu motivu.
Lu scopu unicu e ssulu!
Lu scopu unicu e ssulu!
Cce nc‘entra la cultura?
Cu štu pigghià pi cculu!?
Cu štu pigghià pi cculu!?
E dicimmili li cosi!
Sinceri e comu štannu.
Sinceri e comu štannu.
Ca lu vantu cu lli puzzi
…ti cultura no nni fannu…
di Luigi Tamburrini da Raccontare Mesagne
