La vecchia fera ti li “ttanta culi”,
non era, comu a mmò, nna scintrusata.
Ti crosci ti crištiani, oppuru suli,
ca si facìunu ncunna passiggiata.
Quedd’era la pizzodda ti li vindegni.
Ti li sordi rrisimati, rrisimati.
Ca pi llu nviernu e tanti atri ‘mpegni
ti quddu ggiurnu sciunu cunzumati.
A cci, ca li sirvìa nnu certu scigghiu.
Cappottu, nna camisa o li mutandi.
Nna maglia, nova nova pi nnu figghiu,
la tota pi lla lla figgjhia, la cchiù grandi.
Ncignava tuttu ggià ti la matina,
Ca sierma, la sciarretta mintia sotta.
Llintava alliegru poi la martillina,
cavaddu malandrinu, e mmena, trotta!
La tappa, pi llu Sintinaru e Grutti,
ggià chini ti artieri e ddi villani.
E ssierma ca li canuscia tutti,
li zinghiri cu lli ndialetti štrani.
Li papiri, li iaddi o puricini.
O pecuri, cunigghi e ncunna pua.
Lu priesciu mia, ca li vitia vicini,
fumava sierma, cu ll’amici sua.
Štrimpigghi, scurriati, uarnamienti,
nna fauci, tinagghia, nnu martieddu.
Però, spittava iu, mma veramenti!
La prova ti la forza a llu cavaddu.
Ttaccatu maru frušculu e fruštatu,
ntra mogghia, sotta a ppisu ti quintali.
Nd’assìa ncunu trainu caricatu
cu mmoštra, comu bbeštia, quantu vali.
La menzatìa sapìa ti fucaliri.
L’ardori e poi sapori, šcattrisciava.
Ti l’una nzin’a ssotta allu mbruniri,
l‘assuta ntra Misciagni si spittava.
Spicciatu mama, cuddu ca facìa.
e ggià si priparava la frascera.
Rrivava nna cummari o ncunna zia,
e tutti anziemi sciumu alla fera.
Nna cosa voli ditta, ci si creti.
Ca machini no nn’ieri a parchiggiari.
Ca tannu si assìa, mma all’a ppeti,
li passi si cuntaunu a migghiari.
Nigghiori ca brillava cu lli luci.
Santa Maria e ppoi la Porta Crandi.
Ntra ccoppuli, cupeta, umbrelli e vvuci,
bbarracchi a nfila, nfila a tutti vandi.
Ardori ti scapeci e ddi caštagni.
Fumori ti cce ccosa e ti cce ssia.
Iumara ti crištiani ntra Misciagni,
Rricuerdu veru e nnoni fantasia.
L’aria, ca ggià ti nviernu ti simbrava.
Nna cappa n’cielu, blu, però argintata.
Nnatali, ti luntanu, ti vvisava.
Mma prima ancora ggia la Mmaculata.
Ci sapi, ci lu tissi a pprima fiata.
E ccomu si chiamava a cci si uštau.
Štu nomi: “ttanta culi“ è nduminata,
ca cqua, a Misciagni, sempri ndi rištau.
