Agghiu lettu,
sobbra a nnu giurnali paisanu.
Ca Misciagni ieri sera,
era nnu veru fiumi umanu.
Tuttu chinu, chinu,
ti crištiani ntra lli štrati.
Ca ci sapi ti quanti vandi,
erunu qqua rrivati.
A cci scìa llitrattandu,
a cci vulìa mmangiava.
Rozzula, vota e ggira,
ognunu si prisciava.
Sintivi diri: Firenzi!?
Mma ddo è ca voli vvai?
Cchiù bbella ti Misciagni,
no nn’era višta mai!
Sintivi diri: Roma!??
Vabbè, la Capitali.
Mma ci uardamu bbuenu,
cce tteni ti spiciali!?
To’ šcantareddi antichi.
Nnu vecchiu Colosseu.
Cchiù bella ti Misciagni?
Iu propria no llu creu.
Sintivi diri: Napuli!
Vabbè, nna pizza e poi?
Nna passiggiata a mmari,
e nnu rioni o toi.
Sintendu ti Venezzia:
Nna delusioni vera.
Nnu giru ntra lla gondula,
pinzava sia cce t’era!!
Ci štavi recchia, recchia
cu sienti lu farfaruegghiu.
Nna voci era ti tutti:
MISCIAGNI! SI’ LLA MEGGHIU!
E ppuru lu Telegiornali,
notizzia fulminanti:
Šta ccala lu turismu!
L’Italia štai vacanti!!
Ci ggiri a tutti vandi,
nci truevi nnu desertu.
Nna vera depressioni,
ca mancu ci unu è muertu.
La vita è troppu cara,
lu sordu ggira picca.
Non eti cchiui lu tiempu,
ti borsa e pota ricca.
Fenomunu assai štranu,
no ss’era vištu mai.
Mma lu turismu nc’eti!
E ddo è cca si nni vai!??
Sessanta e cchiù migliuni,
ti turišti scatinati.
Vagnù! Tutti a Misciagni,
s’erunu rradunati!
Li crištiani,
mpacciuti pi lla cultura.
No penzunu ormai atru,
Misciagni è nna primura!!
La propaganda è bbona.
Ogni populu ndi scapa.
E ntra lla Chiesa Madri
…ABBATA ORMAI LU PAPA…
