Spaccati sobbra li litteri, a unu a unu sistimati,
lassati lu giurnu sotta a lu soli pi esseri siccati.
Trasuti la sera,‘ntra la pagghiara ‘ccatastati
cu no’ pigghiunu ti la notti totta l’umititati.
Scapati li megghiu megghiu e poi ‘ccucchiati
cu li menduli ‘brustuliti toppu spellati.
Priparati ‘ntra li rameri e poi ‘nfurnati
pi rrivari a ‘na cottura….giustu tostati.
Iazzati e giustati ‘ntra li cucumi e li granati,
ti cacau spolverati pi megghiu essiri custati.
Quarche fugghiazza ti lauru pi aromatizzari
e cu ti sapunu cchiu sapuriti allu mangiari.
Chiusi cu li fogli ti carta ogliata e stipati
pi quandu servunu pi spilu o pi nicessitati.
Li villani si li mangiaunu fori, alla vutata,
cu si caricaunu ti energia e spicciare la sciurnata.
T’inviernu, specialmenti quandu stati ‘ntrignulati,
mangiativi to’ fichi ccucchiati e vititi comu scarfati.
Cosimo Caramia Manifa, KSA 18.09.2012
